A frase é de Xosé Manuel Beiras, um dos representantes da Galiza no debate do FSM em Dakar sobre os povos sem Estado. O economista galego denunciou a soluçom do "café para todos" no caso do Estado espanhol, criticou a Constituiçom espanhola que nom reconhece o povo galego como titular da sua soberania política e recordou que a ONU reconhece os direitos colectivos. "A negativa a reconhecer estes direitos polos Estados e supraestados como a UE é ilegal, vai contra as instituiçons", apontou, polo que "a resistência está já que logo legitimada. A defesa própria está reconhecida por todos os códigos penais do mundo".
Rematou fazendo apelo "à necessidade dumha fronte comum dos povos sem Estado". À hora de explicar o caso galego ao público de Dakar explicou que "nom meu país há um governo autónomo e nestes momentos governa, por mui pouco, umha direita quase fascista que entre outras cousas está a desenvolver um processo de analfabetizaçom do idioma próprio da nossa naçom".
Por sua parte Camilo Nogueira recordou que "nestas jornadas em Dakar fazemos fincapé nos direitos das naçons sem Estado, mas também dos povos do mundo inteiro, direitos ligados à democracia, à procura dum sistema económico nom dominado polas grandes corporaçons e as grandes potências". Assegurando que "a Galiza está mui presente nesta batalha".
Nenhum comentário:
Postar um comentário