Beiras en Monforte: "A xente ten que asumir que hai que pasar á acción directa"

Xosé Manuel Beiras encheu a Casa da Cultura de Monforte nunha amena conferencia sobre as causas e dimensións da crise económica, as súas características na Galiza e as alternativas ao sistema, que pasan pola "rebelión cívica", de xeito que os cidadáns e cidadás exerzamos "todos os días" os nosos dereitos, porque a democracia hai que exercela para "mantela viva".

No coloquio co público, no que destacou a participación de xente moza, houbo tempo para respostar a cuestións sobre a fusión das caixas, o papel dos medios de comunicación en Galiza, a estrutura económica galega ou as razóns da perda do goberno da Xunta polo PSOE e BNG.