Tirado de aqui. Dedicado aos que condenam a violência de Gadafi enquanto exportam armas sem nengum pudor. A "cultura da paz" por vezes nom deixa de ser umha grande asneira se nom se sopesam os diferentes cenários e os tipos onde as violências som aplicadas, que é por toda a parte.
No passado sábado decorreu em Cúntis o "Enconto do Úmia", jornada sobre a privatizaçom da água. O dia começou com um completo roteiro que incluia explicaçons históricas e meio ambientais, denunciando "o impacto devastador da exploraçom dum rio com fins lucraticos". Na barragem da Baxe as parcitipantes despregárom umha faixa da Coordenadora Anti-encoro.
O ato central foi à tarde, com intervençons política adereçadas por música e poesia. Yolanda Paz criticou o impacto ecológico da sociedade capitalista. Santi Mártinez recordou a luita conta a privatizaçom das águas quentes da vila. Paloma Fernández recordou a luita contra a contruçom da barragem do Úmia, que acarretou perto de setenta juízos contra as ativistas da plataforma. Em nome do SLG, Miguel Méndez apresentou a Plataforma Contra a Lei de Águas e denunciou com linguagem clara e contundente a aberraçom de convertir a água numha mercadoria, apostando pola luita desde a base, horizontal, e à margem dos partidos.
"Já estou farto de condenas à violência"
Por sua parte, Xosé Manuel Beiras surpreendeu com umha intervençom encendida contra a "barbárie" do capitalismo -encarnada agora na pretensom de confiscar a água-, e um discurso que chama a "reorganizar a resistência" desde a sociedade civil e desde abaixo. O porta-voz do Encontro Irmandinho nom poupou em críticas ao BNG, e declarou que, embora nom defendesse a violência como método político a longo prazo, está já "farto de condenas à violência", arrincando um aplauso do auditório.
O ato rematou com a apresentaçom do novo disco d'A Quenlla, chamado "Os Irmandiños". Da organizaçom quigérom "deixar bem claro que nada temos que agradecer-lhe ao Concelho de Cúntis e ao Governo Municipal do PSOE que toda a sua contribuiçom consistiu em pôr trabas para a organizaçom desta jornada".
Nenhum comentário:
Postar um comentário