01/03/2011

Catalunya, clamor da comunidade educativa contra os recortes

Tirado de aquí. A nova apareceu no xornal El País en 1 de marzal de 2011.Tradución nosa. Eis a política "social" da direita de Artur Mas.

http://3.bp.blogspot.com/_w-TSP9jWRr8/SiNfhQF8QaI/AAAAAAAAAGU/SIw2qanj6xQ/s400/educacion.jpg
A protesta polos recortes no ensino pasou o banzo dos directores de instituto. Agora é toda a comunidade educativa dos centros escolares públicos a que pide que se dea marcha atrás á redución da partida para gastos de funcionamento e que se substitúan as baixas dos non docentes. Até 11 entidades de familias de alumnos, sindicatos de docentes, asociacións de estudantes e entidades de renovación pedagóxica reclaman parar os recortes.

A carta conxunta destas 11 entidades debaterase nos consellos escolares dos centros. Os asinantes propoñen que cada centro envíe unha carta ao presidente da Generalitat, Artur Mas, e ao síndic de Greuges, Rafael Ribó, contra os recortes. O comunicado está asinado polas asociacións de familias de alumnos Fapac e Fapaes; os sindicatos CC.OO, UXT e USTEC; os sindicatos de estudantes AJEC; de Estudantes dos Países Cataláns; a Asociación de Estudantes Progresistas e a Federación de Movementos de Renovación Pedagóxica de Cataluña; a asociación Rosa Sensat, e O Observatorio Internacional da Profesión Docente.

Hai uns días, a xunta central de directores de centros de secundaria xa enviou unha carta a Ensino para reclamar unha reunión urxente na que recibir explicacións sobre as reducións (véxase El País do 23 de febreiro). Os recortes comunicados por Ensino aos institutos van do 15% ao 33% e aplicaranse sobre a partida de gastos xerais, que inclúe a luz, o teléfono, a auga, a limpeza, o papel e a calefacción. Ensino di que se trata dunha previsión até metade de ano, cando se aproben os Orzamentos da Generalitat para 2011.

Son 44 os institutos do Baix Llobregat que esperarán a coñecer as explicacións do departamento á xunta de directores, probabelmente a segunda semana deste mes. Se non reciben explicacións convincentes ou se non se frean os recortes, os 44 directores cancelarán as contas onde se cobran os recibos e pagaránnos para ir ás oficinas das empresas subministradoras ou ingresar directamente o importe. Tamén acordaron expor a Ensino a xornada intensiva nos seus centros para aforrar gastos de funcionamento.

Nenhum comentário: