Assembleia aberta do movimento 'Mijam por nós e querem-nos dizer que chove' será a 28 de maio. Vai crescendo em adesons a articulaçom galega do processo popular que começou a 15 de maio.Passárom as eleiçons municipais e os protestos, acampamentos e assembleias populares continuam por o mundo inteiro, umha semana após o 15 de maio. O movimento 'Mijam por nós' propom umha visom do ponto de vista galego dos acontecementos atuais, fazendo "umha chamada à mocidade galega e a toda a sociedade para construirmos desde a Galiza a alternativa a este mundo", como indicam no seu manifesto.
Do movimento vinham chamando à constituiçom de umha Assembleia Aberta, como informámos no Diário Liberdade. A data será a 28 de maio na praça do Obradoiro, convocada via facebook, através do nome #galicianrevolution. Precisamente, através desse meio estám a ser votadas as horas de celebraçom, que poderiam ser as 20:00, e umha relaçom de temas a tratar. Também o nome mediante o qual o protesto galego seria internacionalizado é objeto de votaçom: #galizarevolution parece ter vantagem.
Quando ainda falta umha semana para a assembleia o movimento 'Mijam por nós' já ultrapassou as 400 adesons na rede social facebook, e segue avante.
Continuam acampamentos na Galiza
Entretando, os acampamentos nascidos no seio do movimento do 15-M continuam com forte adesom na Galiza, realizando assembleias muito concorridas; embora nom todos eles consigam se autonomizar da limitante órbita espanhola do protesto. Ontem os acampamentos de Ferrol, Corunha, Compostela, Vigo, Lugo e Ourense decidírom continuar além das eleiçons municipais. Na assembleia mais numerosa, a de Compostela, cerca de 2.000 pessoas decidiam que o acampamento ficava.
Foto: Atlántico - Assembleia de há três dias em Compostela
Nenhum comentário:
Postar um comentário