A ruptura das negociaçons entre Causa Galiza e o BNG provocou umha divisom da resposta galega à reforma constitucional. Enquanto o BNG moverá às suas bases a umha concentraçom este sábado às 18 horas na Quintá, a entidade soberanista está a manter contatos com diferentes setores para umha convocatória que percorrerá as ruas em manifestaçom o sábado seguinte, apartir das 18 horas da Alameda. Segundo declaraçons Joám Peres a este portal, a convocatória de Causa Galiza “nom tem caráter partidário”, em contraposiçom à do BNG, cuja exigência de colocar como portavoz a um dirigente motivou em parte a divisom.
Convocatória cidadá pola “superaçom do quadro jurídico-político”
A iniciativa pola autodeterminaçom lançou publicamente umha proposta de movilizaçom de que tenciona nom ser protagonista, dotando-a de um formato apartidário consistente na convocatória por parte de um grupo de cidadaos “representativos das diferentes sensibilidades do soberanismo”. Em todo o caso, o que singulariza esta convocatória é a sua explícita ruptura com a Constituiçom espanhola e o Estatuto de Autonomia e a reivindicaçom da autodeterminaçom.
As características da mobilizaçom serám as que Causa Galiza levou à reuniom com o BNG, isto é: a legenda “A reforma constitucional é umha fraude. Em defesa dos direitos sociais e os serviços públicos. Pola soberania nacional”, o formato da convocatória e a organizaçom da manifestaçom.
Convocatória cidadá pola “superaçom do quadro jurídico-político”
A iniciativa pola autodeterminaçom lançou publicamente umha proposta de movilizaçom de que tenciona nom ser protagonista, dotando-a de um formato apartidário consistente na convocatória por parte de um grupo de cidadaos “representativos das diferentes sensibilidades do soberanismo”. Em todo o caso, o que singulariza esta convocatória é a sua explícita ruptura com a Constituiçom espanhola e o Estatuto de Autonomia e a reivindicaçom da autodeterminaçom.
As características da mobilizaçom serám as que Causa Galiza levou à reuniom com o BNG, isto é: a legenda “A reforma constitucional é umha fraude. Em defesa dos direitos sociais e os serviços públicos. Pola soberania nacional”, o formato da convocatória e a organizaçom da manifestaçom.
Reuniom aberta para preparar a resposta
Causa Galiza convocou umha reuniom aberta a todas as organizaçons sociais, políticas e sindicais que queiram responder com estes critérios à reforma constitucional. Terá lugar a sexta-feira 16 às seis da tarde no Centro Social O Pichel de Compostela, e pode assistir qualquer organizaçom, tenha sido convidada formalmente ou nom. O próprio BNG está convocado, numha amostra do caráter inclusivo da convocatória.
Segundo pudo saber este portal, na preparaçom desta convocatória estám a trabalhar setores nacionalistas da órbita do BNG, tanto políticos como sindicais. Nos próximos dias fará-se pública a listagem completa de apoios da iniciativa soberanista.
2 comentários:
O que chama a atención é que o BNG negocie nin sequera nada con causa galiza, si que ten que estar desesperado o bloque... Toda vez que foi o BNG quen en fai uns anos negociou para os seus militantes un apaño para que sairan impunes da comisaria de santiago de compostela mentres os do independentismo ficaban alí sinalados publicamente e marxinalizandoos. Non está o independentismo farto de saber quen son os crapulas do BNG?
A pstura de ao BNG nem auga subscreve-na sectores como Nós-UP que criticárom duramente as negociaçons entre Causa Galiza e o BNG. Que Causa Galiza procurá-se umha resposta de naçom e o mais maxiva possível fala bem de Causa Galiza, em minha opiniom (eles tentárom-no superando até cousas como as que assinalas), e mostra umha madurez importante e a ter muito em conta de Causa Galiza. A mim surpreendeu-me para bem esse gesto e de facto o SLG participará também nessa convocatória junto a outras muitas organizaçons. Isso sim, suponho que dentro de Causa Galiza o tema trairia um fundo debate especialmente com os sectores do "esquerdismo".
Umha aperta irmandinha
Postar um comentário