Diante da reforma da Constitución española a Frente Popular Galega quere facer públicas as seguintes consideracións:
1º.- Esta reforma vén confirmar que dentro da orde constitucional española non ten cabemento nin a soberanía das diferentes nacións sen Estado nin a participación real das administracións públicas a favor das maiorías sociais. Esta é unha reforma neoliberal e centralista que busca aniquilar a xa minguada autonomía e imposibilitar por vía constitucional a intervención socio-económica a través de verdadeiras políticas públicas.
2º.- Entendemos que, diante desta nova agresión centralista e antiobreira por parte do bloque españolista PSOE/PP, a resposta desde Galiza e a esquerda nacional debera ser unitaria e aberta a todas as forzas encadradas na defensa da nosa soberanía e do pobo traballador galego.
3º.- Non acreditamos en chamamentos sectarios nin electoralistas. Non é responsábel facer unha convocatoria pechada e oportunista, abrindo contactos políticos coa intención de hexemonizar as mobilizacións de cara ás eleccións do 20-N e chamando ás présas ao pobo galego a se mobilizar cando xa os poderes políticos teñen consolidada a devandita medida, algo que lembra a actuación dos sindicatos españois cando convocaron a folga xeral do 27 de setembro.
4º.- Non se pode obviar o golpe de estado electoral, a través da Lei Orgánica 2/2011, de 28 de xaneiro, que restrinxe ou imposibilita que a maioría das formacións contrarias ao sistema poidan participar no proceso electoral.
5º.- A FPG considera que a principal prioridade na que deben centrarse as clases traballadoras galegas e as opcións políticas e sindicais que as representan é afrontar a brutal crise económica e social, valorando que esta situación debe ser atacada desde unha política e unha mobilización unitaria, ampla e de esquerdas como única forma de éxito desbotando contestacións sectarias ou testemuñais.
1º.- Esta reforma vén confirmar que dentro da orde constitucional española non ten cabemento nin a soberanía das diferentes nacións sen Estado nin a participación real das administracións públicas a favor das maiorías sociais. Esta é unha reforma neoliberal e centralista que busca aniquilar a xa minguada autonomía e imposibilitar por vía constitucional a intervención socio-económica a través de verdadeiras políticas públicas.
2º.- Entendemos que, diante desta nova agresión centralista e antiobreira por parte do bloque españolista PSOE/PP, a resposta desde Galiza e a esquerda nacional debera ser unitaria e aberta a todas as forzas encadradas na defensa da nosa soberanía e do pobo traballador galego.
3º.- Non acreditamos en chamamentos sectarios nin electoralistas. Non é responsábel facer unha convocatoria pechada e oportunista, abrindo contactos políticos coa intención de hexemonizar as mobilizacións de cara ás eleccións do 20-N e chamando ás présas ao pobo galego a se mobilizar cando xa os poderes políticos teñen consolidada a devandita medida, algo que lembra a actuación dos sindicatos españois cando convocaron a folga xeral do 27 de setembro.
4º.- Non se pode obviar o golpe de estado electoral, a través da Lei Orgánica 2/2011, de 28 de xaneiro, que restrinxe ou imposibilita que a maioría das formacións contrarias ao sistema poidan participar no proceso electoral.
5º.- A FPG considera que a principal prioridade na que deben centrarse as clases traballadoras galegas e as opcións políticas e sindicais que as representan é afrontar a brutal crise económica e social, valorando que esta situación debe ser atacada desde unha política e unha mobilización unitaria, ampla e de esquerdas como única forma de éxito desbotando contestacións sectarias ou testemuñais.
Nenhum comentário:
Postar um comentário