A Galiza gobernada por Núñez Feijoo lidera a destrución de emprego

Redacción.

Baltar do PP dando esmola, neste caso non se repetiu aquilo de "en mi hambre mando yo".

Máis unha vez os dados que translocen da xestión da brigada de demolición e limpeza étnica instalada en San Caetano son terríbeis. No mes de setembro o desemprego subiu en Galiza 8333 persoas, ou sexa, 3'71% porriba da media estatal (que se sitúa no 2'31%). O desemprego subiu na maioría das CC.AA cun 6'59% en Baleares, 5'81% en Cantabria... e apenas descendeu en La Rioja (2'04%), Castela-A Mancha (0'36%) e en Canarias (0'18%).  Daquela, no conxunto do Estado o desemprego aumentou en setembro (con respecto a agosto) en 95817 persoas aumentando o drama da miseria para máis e máis familias. Trátase dun 2'31% máis e inza o desemprego até 4226744 persoas segundo o Ministerio de Traballo e Inmigración.

Galiza (3'71%) está á cabeza da destrución de emprego, só por tras de Baleares, Cantabria, Extremadura (4'56%) e Castela e León (3'93%). No entanto en termos absolutos o desemprego subiu máis en Andalucia (23.592 persoas), Catalunya (16.282) e Madrid (10.209). Se ollamos para o crecemento interanual (tomando entón como referencia setembro de 2010) os incrementos máis macizos de desemprego déronse en Castela-A Mancha (10'73%), Cantabria (9'97%), Euzkadi (8'70%) e Asturies (8'05%). No entanto en termos absolutos Andalucía volta pórse en cabeza con 45449 parados máis, Catalunya con 43.662 desempregados máis e o País Valencià con 23.495.

En Galiza, 8336 persoas ficaron sen emprego neste mes de setembro cando Feijoo prometera rematar coa crise na carreiriña dun can e cando o PP promete agora practicamente o pleno emprego. A vella cantinela da demagoxia da extrema-dereita para facerse co poder custe o que custe. Todo isto cando a axencia de ranting Ficht declara bono-merda os de No.Ca.Ga. (Nova Caixa Galicia). Galiza vai ben!