Novos caminhos para a esquerda galega

Este sábado 18 celebra-se o evento Novos Camiños para a esquerda galega, onde estará o nosso irmao Xosé Manuel Beiras. Os actos celebrarám-se na faculdade de Ciências da Comunicaçom de Compostela de 9:00 a 2o:00 horas.

O evento nom se liga directamente com nengum grupo interno do BNG e procura reflexionar sobre os novos desafios da esquerda nacionalista desde umha posiçom próxima a +GZ, ainda que integrando ponentes de todas as correntes internas que desejárom participar. Por todo isto lembra-nos excessivamente à Rolda de Rebeldia, impulsada mas nom tutelada polo Encontro Irmandinho, só que aprofundando na desconexom com os movimentos sociais e maiormente focado, intenciodamente ou nom, com a instáncia política e com a esquerda política (se aceitamos pragmáticamente a divisom entre esquerda social - sócio-política- e esquerda política - esquerda institucional, cada vez mais escassa por certo-). No blogue Renovar BNG poderes seguir os debates ao longo do dia.

Se valoramos também que Esquerda Unida tentou umha experiência netamente devedora da Rolda de Rebeldia fica meridianamente claro que na esquerda existe umha preocupaçom evidente que mostra que o velho nom serve e o novo custa-lhe nascer. Aguardemos que todas estas experiências, sem esquecermos o FSGal e a sua importáncia, deveriam na medida do possível ir convergindo e, sobretodo, desligando claramente as duas dimensons da esquerda, algo que em nossa opiniom só aconteceu na RdR, já que no acto de EU e neste prevalece a política e nos Foros a social sem que se chegue a politizar para tomar as instáncias e, em definitiva, mudar o mundo.

Este é o programa de Novos Camiños para a esquerda galega.

Sesión matinal

09:00 Recepción e distribución de material

09:15 Benvida e inauguración
Intervirán un representante do Decanato da Faculdade de Ciencias da Comunicación e Emilio García, en nome da organización.

09:30 Mesa-redonda "Identidade, cultura e comunicación"
Ponentes: Fermín Bouza, Manuel Bragado, Antón Dobao, Tati Mancebo, Guillermo Rodríguez Fernández.

11:00 Pausa para café

11:20 Mesa-redonda "Territorio e desenvolvemento sustentable"
Ponentes: Carlos Amoedo, Daniel Beiras García-Sabell, Adela Figueroa Panisse, Teresa Nieto, Isabel Villalba.

13:00 Mesa-redonda "Política económica máis alá da crise"
Ponentes: Ínhigo Ansotegi, Xoán Doldán, David Peón e dous representantes do ámbito sindical, a definir.

14:30 Pausa para o xantar

Sesión vespertina

16:30 Mesa-redonda "Cidadanía e modelos de participación política"
Ponentes: Xosé M. González, Vitoria Iglesias Molares, Manuel M. Barreiro, Carlos Neira, Marcos P. Pena.

18:00 Mesa-redonda de Política Xeral
Ponentes: Antón Baamonde, Xosé M. Beiras, Filipe Diez, Camilo Nogueira, Xosé Ramón Quintana Garrido, Teresa Táboas.