Independentistas e nacionalistas convocam manifestaçom pola autodeterminaçom e contra a reforma constitucional

Notícia tirada de Galizalivre (aqui).

Tal e como anunciávamos nas semanas anteriores, o independentismo estava a artelhar, após o fracasso das negociaçons entre Causa Galiza e BNG, umha convocatória de manifestaçom contra a reforma constitucional que reclamasse também a autodeterminaçom. Na manhá de hoje foi apresentada finalmente a convocatória da mobilizaçom na santiaguesa Praça do Pam. Por parte do grupo promotor o veterano militante independentista, fundador da UPG, Luís Gonçales Blasco 'Foz', foi o encarregado de ler o manifesto da marcha. 'Foz' recordou que “a reforma do marco jurídico-político, fechada desde há trinta anos para os direitos e liberdades dos povos, abre-se e resolve-se em apenas uns dias quando assim é exigido polos poderes fácticos” para “blindar constitucionalmente a doutrina económica neoliberal”.

Apoios do independentismo e nacionalismo “nom oficial”O grupo promotor da marcha reclama o exercício da “soberania nacional da Galiza” para gerir os recursos do país e “orientar o modelo económico e social conforme aos interesses da maioria social”. Na leitura do manifesto 'Foz' estivo acompanhado da música e ativista cultural María Iglesias, a membra da Executiva Confederal da CIG Laura Bugalho, e Antom Árias Curto, outro histórico militante independentista cofundador de LAR e EGPGC. O manifesto conta também com o apoio, a nível individual, da jornalista Comba Campoi, a ativista do Foro Galego da Imigraçom Mónica Alzate, ou o presidente da Liga Nacional de Bilharda Xermán Viluba. Em quanto a coletivos, apoiam a marcha do sábado Causa Galiza, o Encontro Irmandinho , o Sindicato Labrego Galego, a Liga Estudantil Galega e o Movimento Estudantil Universitário.


Manifestaçom do BNG

A exceçom da iniciativa autodeterminista Causa Galiza, o resto de coletivos apoiou também a marcha do passado sábado convocada polo BNG , CIG e outros coletivos. A manifestaçom que rematou na Quintá juntou entre miles e centos de pessoas, segundo as fontes. No ato falou Guillerme Vázquez quem assegurou que “a reforma da Constituiçom é letar para a maioria social e nega o autogoverno da Galiza”, acompanhado de Xosé Alfredo Pereira e Suso Seixo.

Em relaçom a essa manifestaçom, Aurélio Lopes, portavoz de Causa Galiza, assinalou que se demonstrou que o BNG "somente queria realizar um ato pré-eleitoral", de onde se derivou o protagonismo dessa organizom no ato, motivo polo

Guillerme: "A reforma da Constitución de PP-PSOE é letal para a maioría social e o autogoberno de Galiza"

Nova tirada do site do Bloque Nacionalista Galego (BNG, aqui).

Suxo Seixo, secretario xeral da CIG.

Santiago de Compostela , 17 de setembro , 2011. O portavoz nacional do BNG, Guillerme Vázquez, asegurou hoxe, no acto celebrado en Santiago de Compostela baixo o lema “ Galiza pola Soberanía. Os Dereitos Sociais e Os Servizos Públicos. Esta Constitución é unha fraude” que “a reforma da Constitución é letal para a maioría social e nega o autogoberno de Galiza.”

Ante unhas 2.000 persoas, o portavoz nacionalista asegurou que “hai que poñer a dieta ao capital especulador e non ao pobo traballador” e recalcou que a pesar de terse aprobado xa a reforma da Constitución segue habendo alternativas para saír da crise, “unha reforma fiscal progresiva, a supresión das axudas a Igrexa ou a redución de gastos militares”.


O acto convocábao o BNG conxuntamente coa Confederación Intersindical Galega (CIG), a Organización Galega de Montes en Man Común, Adega, os Comités, Fruga, a Asociación de Escritores en Lingua Galega, a AS-PG, Galiza Nova, Liga Estudiantil Galega, a Plataforma en Defensa dos Servizos Públicos, Galiza Cultura, MEU e a Rede Galega de Empresas.

O portavoz nacional do BNG cualificou de “fraude” esta reforma da Constitución porque supón “un novo chanzo para recortar servizos e diminuír os dereitos dos cidadáns”, e manifestou o seu rexeitamento a unha medida que ademais resulta “inútil” por fixar un límite ao déficit no gasto que non impidirá que a prima de risco continúe á alza.

Neste sentido, afirmou que a reforma da Constitución só serve para “tranquilizar aos mercados e o saneamento das grandes fortunas e paraísos fiscais”.

Guillerme arremeteu contra unha reforma constitucional que só persegue “o dogma neoliberal” e acusou a Rubalcaba e a Rajoy de practicar unha política económica “fracasada e letal contra os pobos” que vai provocar máis privatización no ensino, na sanidade e nos servizos públicos. Asemade, referiuse ao Presidente da Xunta como “Alberto I o Austero. Alberto I o Liquidador” por non ter liderado e defendido o proxecto dunha caixa galega que agora será vendida a “prezo de saldo”.

O portavoz nacional do BNG rematou a súa intervención afirmando que existen “alternativas” que pasan por un programa de reformas democráticas e favorables aos intereses das maiorías sociais e dos países como Galiza, “submeter a referendo as modificacións substancias, e esta éo” concluíu.

O acto contra a reforma da Constitución tamén contou coas intervencións do Presidente da Organización de Montes en Man Común, Xosé Alfredo Pereira, e o Secretario Xeral da CIG, Suso Seixo.

Na súa alocución, Pereira defendeu a loita contra a privatización do montes en man común, as reformas democráticas e os montes veciñais como sinais de identidade.

Pola súa parte, Xesús Seixo avogou por unha reforma que sexa verdadeira no recoñecemento do carácter plurinacional do Estado español e na autodeterminación de Galiza.